🕌 РАМАЗАН АЕ ТЕЛӘГЕ
Айларның иң гүзәле, кичләрнең иң кадерлесе, иртәләрнең иң саваплысы, көннәрнең нурлысы булган РАМАЗАН ае безгә килә! Күпме ихлас йөрәкләр, тәкьва калебләр сагына Сине, РАМАЗАН АЕ!
Адәм баласын өмет яшәтә. 🤲 Үзебез дә исән сау булып, бу кадерле кунагыбызны лаеклы каршы алырга язсын!
Бик шатлыклы хисләр кичерәбез. Аллаһка чиксез шөкер итеп, Ул кушканнарны үти алсак иде.
🤲 Йә Раббыбыз, барлык гөнаһларыбызны кичер, тотачак уразаларыбызны, кылачак изге гамәлләребезне кабул ит! 🤲
Илебезгә, күңелебезгә - тынычлык, гомеребезгә, малыбызга - бәракәт, күңелебезгә - сабырлык бир. Алдагы көннәрдә Аллаһ риза булырлык итеп яшәүне безгә насыйп ит!
🤲 Рамазан аендагы изге гамәлләребез Аллаһ ризалыгы, Аллаһ рәхмәтләренә, Пәйгамбәребез ﷺ шәфәгатенә ирешер өчен булсын! Уразаларыбызны җиңеллек белән тотарга, киләсе гаетләрне күрергә Раббыбыз насыйп итсен. Бергә теләктәш, фикердәш, диндәш булып яшәргә язсын!
🤲 Йə Аллаһ! Синнəн сорыйбыз:
~ файдалы ГЫЙЛЕМ,
~ камил ИМАН,
~ киң хəлəл РИЗЫК,
~ Үзеңнəн курка торган КҮҢЕЛ,
~ Сине зикер итə торган ТӨНне,
~ үлемгə кадəр кабул итүче ТƏҮБƏне,
~ үлемнəн соң РƏХМƏТеңне.
Йə Аллаһ, барыбызның да
~ кичерерлек гөнаһы,
~ бетəрлек кайгысы,
~ бетəрлек жиңел бурычы гына булсын иде!
🤲 Йə Аллаһым, һəрбер эшлəребезне жиңел кыл,
Күңелебезне нурландыр, ИМАНнарыбызны арттыр!
🤲 Йә Раббыбыз Аллаһ, Үзеңнең нурлы йөзеңне күрүчелəрдəн булыйк! Барабызга да ФИРДƏВЕС жəннəтеңə ирешергə насыйп булсын иде! Әәмиин.
🤲 Тоткан уразаларыбыз, укыган Корьәнебез, намазларыбыз, зекерләребез, догаларыбыз Аллаһ ризалыгы, Аллаһ рәхмәтләре өчен булсын!
Аллаһыбыз, чиксез шөкерләребез булсын, Сиңа!
Изге РАМАЗАН аебыз мөбарәк булсын! 🤲
Миләүшә Сафина.
